აქ იპოვი რასაც ეძებ!!!

 

თუ თქვენ გიჭირთ ადამიანებთან ახლო და მნიშვნელოვანი ურთიერთობების დამყარება, ან უბრალოდ თქვენი ქცევები გასაქანს არ გაძლევთ და ზოგჯერ საზოგადოებაში თავს უხერხულად გრძნობთ, რამდენიმე რჩევას მოგცემთ!..



მართალია ეს, ასე ვთქვათ, პრობლემა ყველას არ აწუხებს, თუმცა უამრავია მორცხვი და ეს მახასიათებელი ხშირად მათი არაკომუნიკაბელურობის მიზეზი ხდება. სიმართლე გითხრათ, მეც ზედმეტად მორცხვი ვარ, ამიტომ, მორცხვებო, მოდით ერთად მოვიშოროთ ეს თვისება!



1. მორცხვების ჩვეულებრივი მახასიათებელია არაკომუნიკაბელურობა და ცოტა მეგობრები, თუმცა შეიძლება მეგობრების ყოლის შემთხვევაშიც ვიყოთ მორცხვები, ეს თვისება გამოვამჟღავნოთ უცხოებთან. ეს კარგს არაფერს მოგვიტანს! ახალი ნაცნობობა, ბევრი ურთიერთობები, თავისუფალი კონტაქტი.. კეთილად განეწყვეთ გარემოსადმი! დაიწყეთ საუბარი თუნდაც ისეთი პრიმიტიული კითხვებით, როგოროცაა მაგალითად "კარგი ამინდია,არა?" 



2. იხუმრეთ და არავინ გაიცინა.. მართლაც უხერხულია. მაგრამ ხელს ნუ ჩაიქნევთ და თავს იდიოტად ნუ შერაცხავთ! იუმორი ისეთი რამაა, რაც შეიძლება ისწავლო!



3. თავს გარიყულად გრძნობთ წვეულებაზე, გგონიათ რომ ყურადღებას არავინ გაქცევთ და გარშემომყოფებზე გაბრაზებული ხართ? შეეცადეთ ეს გრძნობა დაძლიოთ, დაიწყეთ ვინმესთან საუბარი, იცეკვეთ, იმხიარულეთ! თქვენ ხომ აქ გასართობად ხართ, და არა მოსაწყენად!



4. მეგობარმა წვეულებაზე დაგპატიჟათ, ძალიან გინდათ წასვლა თუმცა არ მიდიხართ, რადგან ფიქრობთ რომ გარიყული იქნებით და ყურადღებას არავინ მოგაქცევთ. შეიძლება ასეც მოხდეს, თუ თქვენს მორცხვობას არ დაძლევთ, ეკონტაქტეთ გარშემომყოფებს, გაიცანით უცხოები, შეეცადეთ მათზე კარგი შთაბეჭდილება მოახდინოთ! ნუ იტყვით უარს გართობაზე!



5. დაფიქრდით, რამდენად მორცხვი ხართ, ან როდის ამჟღავნებთ ამას, შემდეგ კი სცადეთ გამოასწოროთ დაშვებული შეცდომები! 



6. მორცხვობის მოსაშორებლად საუკეთესო გზაა ხშირად იაროთ საზოგადოებრივი თავშეყრის ადგილებში, დაესწროთ ახალგაზრდულ ღონისძიებებს.. 



7. იყავით უფრო ხალისიანი! განა თქვენ გაგიჩნდებათ სურვილი კონტაქტი დაამყაროთ ისეთ პიროვნებასთან, ვისაც სახეზე "მჟავე" გამომეტყველება აქვს? 



8. ისაუბრეთ თავისუფლად! ნუ გექნებათ კომპლექსი ხმამაღალი საუბრისა, ამისთის არავინ დაგსჯით! 



9. სთხოვეთ თქვენს მეგობრებს გაგაცნონ თავისი მეგობრები, წამოიწყეთ ახალი ურთიერთობები. ხალხთან შეხვედრა სიმორცხვის დაძლევის საუკეთესო გზაა!



10. დახუჭე თვალები და წარმოიდგინე, რომ მოიქეცი უფრო თავისუფლად და არა მორცხვად, მაშინ ყველაფერი სხვანაირად მოგეჩვენება. მოგეწონა, არა?



11. ქუჩაში გამვლელმა გაგიღიმათ? თქვენც გაუღიმეთ! 



12. ნუ შეადრი თავს სხვებს, ეს შენ მეტად მორცხვს გაგხდის!



13. სცადე შეიცვალო ნაბიჯ-ნაბიჯ, ყველაფერს ერთბაშად ნუ შეცვლი!